TENNIS: Z.Dııas Avstralııa ashyq chempıonatyndaǵy alǵashqy kezdesýin Ý.Radvanskamen ótkizedi

Eki apta boıy búkil álem kóz tigetin atalmysh birinshilikke Qazaqstannyń birinshi raketkasy Zarına Dııas óz ómirinde tuńǵysh ret myqty tennısshilerdiń qatarynda, 31-inshi bolyp synǵa túsedi. Sol sebepti Zarınaǵa reıtıngisi tómen oıynshylardyń biri tap keldi. Atap aıtqanda, 21 jasar qazaq qyzy irikteý saıysy jeńimpazdarynyń biri, dúnıejúzilik reıtıngte 149-ynshy orynda turǵan, Polsha eliniń namysyn qorǵaıtyn Ýrsýla Radvanskamen kortqa shyǵady. Bul tennısshiniń tegi aıtyp turǵanyndaı, ol - álemniń altynshy raketkasy Agneshkanyń týǵan sińlisi. Sondyqtan onyń da apasynan qalmaı, kelesi aınalymǵa shyǵý úshin baryn salary anyq.

Z.Dııas ekinshi aınalymǵa shyqsa, onda slovakııalyq Anna Shmıdlova nemese ońtústikafrıkalyq Shanel Sheperstiń bireýimen kezdesedi. Al úshinshi aınalymda reseılik Marııa Sharapova aldynan shyǵýy ábden yqtımal. Qazir álemdik reıtıngte ekinshi orynda turǵan M.Sharapova osy týrnırdi utyp, aldaǵy ýaqytta atyshýly amerıkandyq Serena Ýılıamsty basyp ozyp, kósh bastaýdy maqsat etip otyr. Qazirdiń ózinde mamandar M.Sharapovanyń Avstralııa birinshiligindegi alǵashqy qarsylastaryn qınalmaı utatynyn aıtyp, sáýegeılik jasaýda.

Degenmen álem chempıonatymen teń iri jarysta reıtıngisi tómen tennısshiler joǵary turǵandardy jeńip, aıdy aspanǵa shyǵaryp jatady. Sondyqtan ótken jylǵy Avstralııanyń ashyq chempıonatynda úshinshi aınalymǵa deıin jetken Z.Dııastyń da sol tabysynan asyp túsýge tyrysatyny anyq. Zarınamen qatar dúısenbi kúni Qazaqstannyń ekinshi, álemniń 66-ynshy raketkasy ıAroslava Shvedova dúnıejúzilik reıtıngte 16-ynshy orynda turǵan chehııalyq Lıýsı Shafarjovamen, al Sıdneıdegi halyqaralyq týrnırde fınalǵa deıin jetip, 51-inshi satyǵa kóterilgen Mıhaıl Kýkýshkın týnıs jigiti Málik Jazırımen sheberlik baıqasady. Jarystyń ekinshi kúni taǵy bir qazaqstandyq Andreı Golýbev fın ıArkko Nıemınenmen kúsh synasady.

Aıta keteıik, jyldyń alǵashqy iri jarysynyń júlde qory - 14,398 mln. AQSh dollary.