Tennıs: ıÝlııa Pýtıntseva jyldyń betashar matchyn Brısbende ótkizedi
NUR-SULTAN. QazAqparat – Qazaqstannyń birinshi, álemniń 34-raketkasy ıÝlııa Pýtıntseva jyldyń betashar matchyn Brısbende (Aýstralııa) ótkizedi, dep habarlaıdy QazAqparat tilshisi.
ıÝ.Pýtıntseva Brısben WTA týrnıriniń irikteý saıysynda 1-raketka bolyp tirkelgen.
Qazaqstandyq tennısshiniń 4 qańtar kúngi alǵashqy qarsylasy – álemdik reıtıngte 142-orynda turǵan ulybrıtanııalyq Herrıet Dart. Ony jeńgen jaǵdaıda amerıkalyq, álemniń 95-raketkasy Medıson Brengl nemese reıtıngte 107-satydaǵy ýkraınalyq Katarına Zavatskaıanyń birimen kezdesedi.
Brısbendegi negizgi jarys 6-12 qańtar aralyǵynda ótedi. Oǵan qatysýshylar qatarynda álemdik reıtıngtiń kóshbasshylary, aýstralııalyq Eshlı Bartı, chehııalyq Karolına Plıshkova, japonııalyq Naomı Osaka bar. Sondaı-aq reıtıngte alǵashqy ondyqqa kiretin ýkraınalyq Elına Svıtolına (6-raketka), chehııalyq Petra Kvıtova (7) jáne Nıderland ókili Kıkı Bertens (9) baq synaıdy.
Ótken jyly bul týrnırdiń fınalynda K.Plıshkova ýkraınalyq Lesıa Tsýrenkony 4:6, 7:5, 6:2 esebimen tize búktirip, jeńimpaz atanǵan bolatyn.
