Tennıs: ıÝlııa Pýtıntseva juptyq synda Ýımbldon týrnırin jeńispen bastady
NUR-SULTAN. QazAqparat – Qazaqstandyq ıÝlııa Pýtıntseva juptyq synda Ýımbldon týrnırin jeńispen bastady, dep habarlaıdy QazAqparat tilshisi.
Qazaqstandyq tennısshi reseılik Anna Kalınskaıamen birge alǵashqy aınalymda aýstralııalyq Samanta Stosýr – amerıkalyq Koko Vandevegemen sheberlik baıqasty.
Birinshi partııada qazaqstandyq-reseılik jup taı-breıkte ábjildik tanytty – 7:6 (7:3).
Ekinshi sette áldeqaıda basymdylyq tanytty – 6:3.
Saǵat jarymǵa jýyq ýaqytqa sozylǵan match barysynda ıÝ.Pýtıntseva men A.Kalınskaıa 1 eıs jasap, 5 breık-poıntty túgel paıdalandy. Qarsylastary 10 breık-poınttyń tórteýin ǵana óz esepterine jaza aldy.
Qazaqstandyq-reseılik jup úshinshi aınalymǵa shyǵý úshin osy jarystyń birinshi raketkalary, chehııalyqtar Barbora Kreıchıkova – Katerına Sınıakovamen talasady.
Taǵy bir qazaqstandyq Zarına Dııas aýstralııalyq Arına Rodıonovamen birge ekinshi aınalymda reseılik Varvara Gracheva – grýzııalyq Oksana Kalashnıkovaǵa 3:6, 1:6 esebimen jol berdi.
Erler arasynda juptyq synda qazaqstandyqtar Aleksandr Býblık pen Aleksandr Nedovesov tartysty matchta brazılııalyqtar Rafael Matos –Tıago Monteırodan 4:6, 6:3, 12:13 (4:7) esebimen utylyp qaldy.
Eske sala keteıik, budan buryn Zarına Dııastyń juptyq synda Ýımbldon týrnırin sátti bastaǵanyn, Aleksandr Býblıktiń álemniń 21-raketkasyn utyp, úshinshi aınalymǵa ótkenin jazǵan bolatynbyz.
Sondaı-aq Andreı Golýbev juptyq synda ekinshi aınalymǵa shyqty.
Qazaqstannyń jas juldyzy Zańǵar Nurlanuly jasóspirimder arasynda Berlın týrnıriniń fınalyna shyqty.
Elena Rybakına óz sporttyq jolynda Ýımbldonda alǵash ret tórtinshi aınalymǵa shyqty.
