Tennıs: ıÝlııa Pýtıntseva US Open týrnıriniń úshinshi aınalymyna shyqty
NUR-SULTAN. QazAqparat – Qazaqstandyq ıÝlııa Pýtıntseva US Open týrnıriniń úshinshi aınalymyna shyqty, dep habarlaıdy QazAqparat tilshisi.
Álemniń 35-raketkasy ıÝ.Pýtıntseva ekinshi aınalymda reıtıngte 351-oryndaǵy Belarýs ókili Vera Lapkomen kezdesti.
Bıyl 25-ke tolǵan ıÝ.Pýtıntsevanyń tájirıbesi molyraq bolsa, 21 jastaǵy qarsylasy jarysqa arnaıy shaqyrtýmen qosylǵan edi.
Birinshi partııada qazaqstandyq tennısshi óz basymdylyǵyn tanyta bildi – 6:3.
Ekinshi sette de ıÝlııa breıkpen alǵa shyqqanymen, Vera qaıta teńestirdi – 1:1. Degenmen qazaqstandyq sportshy taǵy eki breık jasap, esepti 4:1-ge jetkizdi. Budan keıin V.Lapko eki breıkpen esepti qysqarta aldy – 3:5. Aqyry qazaqstandyq tennısshi matchty taǵy bir breıkpen túıindedi – 6:3.
Báseke 1 saǵat 15 mınýtqa sozyldy.
ıÝ.Pýtıntseva júlde qory 53,4 mln AQSh dollary bolatyn dodanyń úshinshi aınalymynda Belarýs eliniń taǵy bir ókili, álemniń 106-raketkasy Aleksandra Sasnovıchpen kúsh synasady. ıÝlııa ótken jylǵy chempıonatta úshinshi aınalymnan asa almaǵan bolatyn. Bıyl sol kórsetkishin jaqsartatyndaı múmkindigi bar.
Eske sala keteıik, budan buryn ıÝlııa Pýtıntsevanyń AQSh-tyń ashyq chempıonatyn jeńispen bastaǵanyn, al Zarına Dııastyń jeńilip qalǵanyn jazǵan bolatynbyz.
