Tennıs: ıÝlııa Pýtıntseva US Open týrnıriniń tórtinshi aınalymyna shyqty
NUR-SULTAN. QazAqparat – Qazaqstandyq ıÝlııa Pýtıntseva US Open týrnıriniń tórtinshi aınalymyna shyqty, dep habarlaıdy QazAqparat tilshisi.
Álemniń 35-inshi, týrnırdiń 23-raketkasy ıÝ.Pýtıntseva úshinshi aınalymda reıtıngte 106-orynda turǵan Belarýs ókili Aleksandra Sasnovıchpen kezdesti.
Qazaqstandyq sportshy bıyl 25-ke tolsa, qarsylasy odan bir jasqa úlken edi.
Birinshi partııada A.Sasnovıch basymdylyq kórsetti – 6:3.
Esesine ekinshi sette qazaqstandyq tennısshi breıkpen alǵa shyqty – 3:1. Budan keıin taǵy bir breık jasaǵan ol óz geımderin de bergen joq – 6:2.
Úshinshi, sheshýshi partııada A.Sasnovıch dop bergende, ıÝ.Pýtıntseva 0:40-tan esepti teńestirip, sosyn breık jasaı bildi – 2:1. Taǵy bir breık – 4:1. Aqyry matchty taǵy bir breıkpen túıindedi – 6:1.
Birshama tartysty ótken báseke týra 2 saǵatqa sozyldy.
Osylaısha ıÝ.Pýtıntseva AQSh-tyń ashyq chempıonatynda óziniń sporttyq jolynda alǵash ret tórtinshi aınalymǵa shyqty. Ol endi álemniń 15-inshi, jarystyń 8-raketkasy, 29 jastaǵy tájirıbeli tennısshi, horvatııalyq Petra Martıchpen sheberlik baıqasady. Ol osy dodada tabysty óner kórsetip, sporttyq jolynda alǵash ret «Úlken dýlyǵa» týrnıriniń úshinshi aınalymyna deıin jetken reıtıngte 102-satydaǵy, 20 jastaǵy reseılik Varvara Grachevany 6:3, 6:3 esebimen tize búktirdi.
Eske sala keteıik, budan buryn A.Golýbevtiń Italııadaǵy jarystyń fınalyna shyqqanyn jazǵan bolatynbyz.
