Tennıs: ıÝlııa Pýtıntseva US Open týrnırinde jeńilip qaldy
NUR-SULTAN. QazAqparat – Qazaqstandyq ıÝlııa Pýtıntseva US Open týrnırinde jeńilip qaldy, dep habarlaıdy QazAqparat tilshisi.
«Úlken dýlyǵanyń» bıylǵy qorytyndy jarysyn qazaqstandyqtardan birinshi bolyp álemniń 33-inshi, osy dodanyń 31-raketkasy, 26 jastaǵy ıÝ.Pýtıntseva bastady.
Ol alǵashqy aınalymda ózinen 10 jasqa úlken, dúnıejúzilik reıtıngte 70-orynda turǵan tájirıbeli estonııalyq Kaııa Kanepımen kezdesti.
Birinshi partııada esep 1:1 bolǵannan keıin aldymen Kanepı breık jasap, alǵa shyqty. Degenmen budan keıin qatarynan bes geımdi alǵan ıÝlııa esepti 6:2-ge jetkizdi.
Ekinshi sette de breık jasaǵan estonııalyq tennısshi alǵa ketti – 2:1. Qazaqstandyq sportshy qaıyra breıkpen tarazy basyn teńestirdi – 2:2.
Esep 4:4 bolǵanda Kanepı taǵy bir breık jasaı aldy. Alaıda ol setke dop bergende, Pýtıntseva qaıta teńestirdi – 5:5. Taı-breıkte Kanepı ábjildik tanytty – 7:6 (7:4).
Úshinshi, sheshýshi partııada taǵy da Kanepı alǵa shyqty – 3:1. Aqyry ol 2 saǵat 20 mınýtqa sozylǵan matchty taǵy bir breıkpen túıindedi – 6:2.
K.Kanepı ekinshi aınalymda álemniń 73-raketkasy, kanadalyq Leıla Annı Fernandespen sheberlik baıqasady. Ol bastapqy kezdesýinde reıtıngte 88-satydaǵy horvatııalyq Ana Konıýhty 7:6 (7:3), 6:2 esebimen tize búktirdi.
Eske sala keteıik, budan buryn qazaqstandyq jas tennısshilerdiń Bishkekte ótken týrnırde chempıon atanǵanyn, Nıý-Iorkta US Open týrnıri bastalatynyn jazǵan bolatynbyz.
