Tennıs: ıÝlııa Pýtıntseva Tıantszın týrnırin jeńispen bastady
NUR-SULTAN. QazAqparat – Qazaqstannyń birinshi, álemniń 36-raketkasy ıÝlııa Pýtıntseva Qytaıdaǵy Tıantszın WTA týrnırin jeńispen bastady, dep habarlaıdy QazAqparat tilshisi.
ıÝ.Pýtıntseva alǵashqy aınalymda reıtıngte 95-orynda turǵan aýstralııalyq Astra Sharmamen kezdesti.
Olardyń ekeýi de 1995 jylǵy, 24 jasta.
Birinshi partııada birden breık jasaǵan qazaqstandyq tennısshi 3:0 esebimen alǵa ketti. Ol sol qarqynynan taımaı, aıqyn basymdylyq kórsetti – 6:1.
Ekinshi sette kerisinshe A.Sharma dál sondaı eseppen jaýap qaıyrdy – 6:1.
Úshinshi, sheshýshi partııany da aýstralııalyq sportshy breıkpen bastady – 2:0. Ol taǵy bir breık jasaǵannan keıin ıÝ.Pýtıntseva medıtsınalyq kómekke júgindi. Esep 0:4 bolǵan mezette ıÝlııa qatarynan úsh geımdi aldy – 3:4. Al A.Sharma 5:3 bolǵanda, matchbolyn paıdalana almady. Budan keıin qazaqstandyq tennısshi tarazy basyn teńestirip qana qoımaı, alǵa da shyqty – 6:5. Aqyry matchty taǵy bir breıkpen támamdady – 7:5.
Sońǵy seti tartysty órbigen báseke eki saǵatqa jýyq ýaqytqa sozyldy.
ıÝ.Pýtıntseva júlde qory 500 myń AQSh dollaryna baǵalanǵan jarystyń ekinshi aınalymynda taǵy bir aýstralııalyq, US Open týrnıriniń 2011 jylǵy chempıony, qazir reıtıngte 91-satydaǵy Samanta Stosýrmen kortqa shyǵady.
Ótken jyly osy týrnırde ıÝ.Pýtıntseva birinshi aınalymnan asa almaı qalǵan edi.
Eske sala keteıik, budan buryn Aleksandr Býblıktiń álemdik reıtıngte kóterilgenin jazǵan bolatynbyz.
