Tennıs: ıÝlııa Pýtıntseva Serbııa ashyq chempıonatyn jeńispen bastady
NUR-SULTAN. QazAqparat - Qazaqstandyq, álemniń 35-raketkasy ıÝlııa Pýtıntseva Belgradta Serbııa ashyq chempıonatyn jeńispen bastady, dep habarlaıdy QazAqparat tilshisi.
Belgradtaǵy WTA 250 týrnıriniń 2-raketkasy bolyp tirkelgen qazaqstandyq tennısshi bastapqy kezdesýin dúnıejúzilik reıtıngide 100-orynda turǵan slovenııalyq Kaııa ıÝvanmen ótkizdi.
Birinshi partııada esep 3:3 bolǵan mezette ıÝlııa breık jasap, alǵa shyqqanymen, qatarynan úsh geımdi qarsylasyna berip qoıdy - 4:6.
Esesine ekinshi sette 5:0 esebimen alǵa ketti. Budan keıin slovenııalyq sportshy breık jasaǵanymen, partııa Pýtıntsevanyń esebine jazyldy - 6:2.
Úshinshi, sheshýshi partııada esep 1:1 bolǵannan keıin ıÝlııa qarsylasyna des bermedi - 6:1.
Ortalyq kortta ótken tartysty báseke 2 saǵat 19 mınýtqa sozyldy.
ıÝ.Pýtıntseva júlde qory 235 myń AQSh dollarynan asatyn dodanyń ekinshi aınalymynda álemniń 67-raketkasy, belgııalyq Elıson Van Eıtvank nemese reıtıngide 188-satydaǵy horvatııalyq Ana Konıýhtyń bireýimen kortqa shyǵady.
Eske sala keteıik, budan buryn Aleksandr Býblıktiń álemdik reıtıngide 38-orynǵa kóterilgenin jazǵan bolatynbyz.
