Tennıs: ıÝlııa Pýtıntseva Rolan Garros týrnırin jeńispen bastady
NUR-SULTAN. QazAqparat – Qazaqstandyq, álemniń 27-raketkasy ıÝlııa Pýtıntseva Rolan Garros týrnırin jeńispen bastady, dep habarlaıdy QazAqparat tilshisi.
Frantsııa ashyq chempıonatynyń (júlde qory – 38 mln eýro) 23-raketkasy bolyp tirkelgen ıÝ.Pýtıntseva alǵashqy aınalymda dúnıejúzilik reıtıngte 79-orynda turǵan belgııalyq Kırsten Flıpkenspen kezdesti.
ıÝlııa bıyl 25-ke tolsa, tájirıbeli qarsylasy 34-te edi.
Birinshi partııada qazaqstandyq tennısshi qarsylasyna bir ǵana geım berdi – 6:1.
Ekinshi sette ıÝlııa breıkpen alǵa shyqty – 3:1. Taǵy bir breık – 5:1. Tek osydan keıin belgııalyq sportshy breıkpen jaýap bere aldy. Degenmen ıÝ.Pýtıntseva oıyndy breıkpen túıindep, ekinshi matchbolyn paıdalana bildi – 6:2.
Qazaqstandyq sportshynyń aıqyn basymdylyǵymen ótken báseke 1 saǵat 7 mınýtqa sozyldy.
ıÝ.Pýtıntseva ekinshi aınalymda reıtıngte 131-satydaǵy argentınalyq Nadıa Podoroshkamen sheberlik baıqasady. Ol bastapqy kezdesýinde taǵy bir belgııalyq, álemniń 111-raketkasy Grete Mınnendi 6:2, 6:1 esebimen ońaı utty.
Budan buryn ıÝ.Pýtıntseva Rolan Garros týrnırinde eki márte 2016 jáne 2018 jyldary, al AQSh ashyq chempıonatynda bıyl alǵash ret shırek fınalǵa deıin jetken edi.
Eske sala keteıik, budan buryn Rolan Garros týrnırinde qazaqstandyq tennısshilerdiń qarsylastary belgili bolǵanyn, T.Skatovtyń Ispanııadaǵy jarystyń jeńimpazy atanǵanyn jazǵan edik.
