Tennıs: ıÝlııa Pýtıntseva Qazaqstan – Argentına matchyn jeńispen bastady
NUR-SULTAN. QazAqparat – Ispanııanyń Kordova qalasynda Bıllı Djın Kıng kýbogynyń pleı-off kezeńinde Qazaqstan – Argentına matchy bastaldy, dep habarlaıdy QazAqparat tilshisi.
Alǵashqy bolyp kortqa Qazaqstannan álemniń 30-raketkasy ıÝlııa Pýtıntseva, Argentınadan dúnıejúzilik reıtıngte 45-orynda turǵan Nadıa Podoroska shyqty.
Ótken jyly Rolan Garros týrnıriniń jartylaı fınalyna deıin jetken N.Podoroska sol dodada ıÝ.Pýtıntsevany da utyp ketken bolatyn.
Bul joly birinshi partııada argentınalyq tennısshi basymdylyq kórsetti – 6:2.
Ekinshisinde qazaqstandyq sportshy ese qaıyrdy – 6:4.
Úshinshi, sheshýshi sette ıÝ.Pýtıntseva qarsylasyna birde-bir geım bergen joq – 6:0.
Báseke eki saǵattaı ýaqytqa sozyldy.
Osylaısha N.Podoroskaǵa Parıjde ketken esesin qaıtarǵan ıÝlııa Qazaqstandy alǵa shyǵardy. Esep – 1:0.
Búgin sondaı-aq Qazaqstannyń birinshi, álemniń 23-raketkasy Elena Rybakına argentınalyq Marııa Lýrdes Karlemen sheberlik baıqasady.
Senbi kúni N.Podoroska – E.Rybakına, M.-L.Karle – ıÝ.Pýtıntseva jáne juptyq synda ıAroslava Shvedova men Anna Danılına – N.Podoroska men M.-L.Karle kezdesýleri josparlanǵan.
Úsh jeńiske jetken komanda Bıllı Djın Kıng kýbogynyń sheshýshi irikteý kezeńine joldama alady.
Eske sala keteıik, budan buryn Qazaqstan – Argentına matchynyń jerebesi tartylǵanyn jazǵan bolatynbyz.
