Tennıs: ıÝlııa Pýtıntseva Dýbaı týrnıriniń irikteý saıysyn sátti bastady
ORAL. QazAqparat – Qazaqstannyń ekinshi, álemniń 41-raketkasy ıÝlııa Pýtıntseva Dýbaı WTA 500 týrnıriniń irikteý saıysyn sátti bastady, dep habarlaıdy QazAqparat tilshisi.
Qazaqstandyq tennısshi irikteý saıystarynyń shırek fınalynda dúnıejúzilik reıtıngte 67-orynda turǵan qytaılyq Chjan Shýaımen sheberlik baıqasty.
ıÝ.Pýtıntseva 6:1, 6:3 esebimen jeńiske jetti.
Qazaqstandyq sportshy 1 saǵattan astam ýaqytqa sozylǵan match barysynda 8 breık-poınttyń beseýin paıdalana bildi. Qarsylasy 1 breıkten (8 breık-poınt) asa almady.
Qazaqstannyń birinshi, álemniń 12-raketkasy Elena Rybakına bıylǵy Aýstralııa ashyq chempıonatynyń ekinshi aınalymynda jaraqatyna baılanysty matchty jalǵastyra almaı, osy Ch.Shýaıǵa jol bergen edi.
ıÝ.Pýtıntseva Dýbaıda irikteý saıystarynyń fınalyna shyǵý úshin reıtıngte 99-satydaǵy Polsha ókili Magdalena Freshpen talasady.
Taǵy bir qazaqstandyq Anna Danılına alǵashqy kezdesýinde ýkraınalyq Daıana ıAstremskaıadan 5:7, 0:6 esebimen utylyp qaldy.
Erler arasynda Andreı Golýbev Doha ATP jarysynyń irikteý saıysynda slovakııalyq Iozef Kovalıkke jol berdi – 4:6, 6:7 (2:7).
Eske sala keteıik, budan buryn qazaqstandyq jas tennısshilerdiń halyqaralyq týrnırde jeńimpaz atanǵanyn jazǵan bolatynbyz.
