Tennıs: ıÝlııa Pýtıntseva Dohada álemniń burynǵy birinshi raketkasyna jol berdi
NUR-SULTAN. QazAqparat – Qazaqstannyń ekinshi, álemniń 42-raketkasy ıÝlııa Pýtıntseva Doha (Katar) WTA 1000 týrnıriniń ekinshi aınalymyna shyǵa almady, dep habarlaıdy QazAqparat tilshisi.
Qazaqstandyq tennısshi kezinde dúnıejúzilik reıtıngte kósh bastaǵan, qazir álemniń 17-inshi, osy iri jarystyń 12-raketkasy, Belarýs ókili Vıktorııa Azarenkomen kezdesti.
Birinshi partııa barysynda qarsylastar breık almasty. Sodan keıin taǵy bir breıkke qol jetkizgen Pýtıntseva basymdylyq tanytty – 7:5.
Ekinshi sette Azarenko des bermedi – 6:2.
Úshinshi, sheshýshi partııada qazaqstandyq sportshy 4:1 esebimen alǵa shyqqanymen, sol múmkindigin paıdalana almady. Aqyry jeńis Azarenkonyń enshisinde ketti – 7:5.
Úsh saǵatqa jýyq ýaqytqa sozylǵan tartysty kezdesýde ıÝ.Pýtıntseva 2 eıs jasap, 13 breık-poınttyń tórteýin óz esebine jazdy. Qarsylasy 7 eıs, 6 breıkke (23 breık-poınt) qol jetkizdi.
Qazaqstannyń birinshi, álemniń 16-raketkasy Elena Rybakına Dohadaǵy bastapqy kezdesýin reıtıngte 67-oryndaǵy rýmynııalyq Jaklın Adına Krıstıanmen ótkizedi.
Júlde qory 2,6 mln AQSh dollarynan asatyn Doha dodasy 27 aqpanda márege jetedi.
Ótken jyly munda fınalda ıspanııalyq Garbıne Mýgýrýsany súrindirgen chehııalyq Petra Kvıtova jeńimpaz atanǵan edi.
Eske sala keteıik, budan buryn elordadaǵy halyqaralyq jarystyń irikteý saıysyna 6 qazaqstandyqtyń qatysatynyn jazǵan bolatynbyz.
