Tennıs: ıÝlııa Pýtıntseva Charlston týrnıriniń ekinshi aınalymyna shyqty
NUR-SULTAN. QazAqparat – Álemniń 46-raketkasy, qazaqstandyq ıÝlııa Pýtıntseva Charlston (AQSh) WTA 500 týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstandyq tennısshi bastapqy kezdesýin dúnıejúzilik reıtıngide 178-orynda turǵan amerıkalyq Robın Andersonmen ótkizdi.
ıÝ.Pýtıntseva birinshi partııada qos breık jasap, aıqyn basymdylyq kórsetti – 6:2.
ıÝlııa ekinshi setti de breıkpen bastady – 2:0. Degenmen R.Anderson tarazy basyn teńestirip ketti – 4:4. Tartysty ótken taı-breıkte qazaqstandyq sportshy jeńisti julyp aldy – 7:6 (11:9).
Eki saǵatqa jýyq ýaqytqa sozylǵan kezdesý barysynda Pýtıntseva eıs jasamaǵanymen, 7 breık-poınttyń tórteýin paıdalandy. Qarsylasy 2 eıs, 2 breıkpen (6 breık-poınt) erekshelendi.
ıÝ.Pýtıntseva ekinshi aınalymda álemniń 47-inshi, osy dodanyń 15-raketkasy, taǵy bir amerıkalyq Amanda Anısımovamen kúsh synasady.
Qazaqstannyń birinshi, álemniń 18-raketkasy Elena Rybakına týrnırdi ekinshi aınalymnan bastaıdy. Onyń qarsylasy – reıtıngte 42-satydaǵy ýkraınalyq Angelına Kalınına.
Júlde qory 899,5 myń AQSh dollaryna baǵalanǵan jarys 10 sáýirde márege jetedi.
Eske sala keteıik, budan buryn qazaqstandyq qyzdardyń álem chempıonaty irikteý saıysynyń shırek fınalyna shyqqanyn, Dmıtrıı Popkonyń Portýgalııadaǵy týrnırdi sátti bastaǵanyn jazǵan bolatynbyz.
