Tennıs: ıÝlııa Pýtıntseva álemniń 25-raketkasyn jeńdi
NUR-SULTAN. QazAqparat – Qazaqstandyq ıÝlııa Pýtıntseva Aýstralııa ashyq chempıonatynyń úshinshi aınalymyna shyqty, dep habarlaıdy QazAqparat tilshisi.
Dúnıejúzilik reıtıngte 38-orynda turǵan ıÝ.Pýtıntseva ekinshi aınalymda álemniń 25-inshi, osy «Úlken dýlyǵa» týrnıriniń 26-y raketkasy, amerıkalyq Danıel Kollınzben kezdesti.
Bıyl amerıkalyq sportshy ıÝ.Pýtıntsevany Aýstralııadaǵy Brısben jarysynda 6:1, 6:0 esebimen oısyrata utyp, qapy qaldyrǵan edi. Sondyqtan ıÝlııanyń ese qaıtarýǵa tyrysatyny anyq-ty.
Birinshi partııada esep 1:0 bolǵanda, qazaqstandyq tennısshi úsh birdeı breık-poıntty paıdalana almady. Sol-aq eken, breık jasaǵan D.Kollınz 3:1 esebimen alǵa ketti. Degenmen ıÝ.Pýtıntseva da qalyspaı, esepti 5:3-ke jetkizdi. Aqyry setti óz esebine jaza bildi – 6:4.
Ekinshi sette esep 3:2 bolǵan mezette D.Kollınz breık jasap, óz geımin de jibermedi – 5:2. Sosyn taǵy bir breıkpen bitirdi – 6:2.
Úshinshi, sheshýshi partııany ıÝlııa breıkpen bastady – 1:0. Áıtse de esep 5:4 bolyp, matchqa dop bergende, sol múmkindigin paıdalana almaı, qarsylasy tarazy basyn teńestirip ketti. Degenmen Pýtıntseva qaıyra breık jasap, qaıta alǵa shyqty – 6:5. Bul joly ol jeńispen túıindeı aldy – 7:5.
Tartysty ótken báseke 2 saǵat 36 mınýtqa sozyldy.
ıÝ.Pýtıntseva úshinshi aınalymda álemniń 3-raketkasy, rýmynııalyq Sımona Haleppen kortqa shyǵady. Ol ekinshi kezdesýinde ulybrıtanııalyq Herrıet Dartty 6:2, 6:4 esebimen qınalmaı utty.
Osylaısha Qazaqstannan áıelder arasynda jekeleı synda úsh tennısshimiz de úshinshi aınalymǵa ótti.
Eske sala keteıik, budan buryn Elena Rybakınanyń álemniń birinshi raketkasymen kezdesetinin, Zarına Dııastyń Aýstralııa chempıonatynyń úshinshi aınalymyna shyqqanyn jazǵan bolatynbyz.
Z.Dııas úshinshi aınalymda álemniń onynshy, osy jarystyń 9-raketkasy, nıderlandylyq Kıkı Bertenspen sheberlik baıqasatyn boldy.
