Tennıs: ıÝ.Pýtıntseva men ıA.Shvedova Charlston týrnıriniń ekinshi aınalymyna shyqty
ASTANA. QazAqparat - Qazaqstandyq tennısshiler ıÝlııa Pýtıntseva men ıAroslava Shvedova AQSh-tyń Charlston qalasynda ótip jatqan halyqaralyq týrnırdi sátti bastady.
Shampionat.com saıtynyń habarlaýynsha, reseılik Evgenııa Rodınamen kezdesken álemniń 70-inshi raketkasy ıAroslava Shvedova eki partııany da 6:1 esebimen aıaqtap, jeńiske jetti. Endi ol ekinshi aınalymda osy týrnırdiń besinshi raketkasy, ıtalııalyq Sara Erranımen kúsh synasady.
Sondaı-aq Qazaqstannyń birinshi, álemniń 61-inshi raketkasy ıÝlııa Pýtıntseva japonııalyq Kýrýmı Narany 7:6, 6:0 esebimen tize búktirdi. ıÝlııa ekinshi aınalymda osy jarysta 15-inshi bolyp tirkelgen germanııalyq Sabına Lısıtskımen sheberlik baıqasady.
Eske sala keteıik, Charlston týrnırinde taǵy bir qazaqstandyq Zarına Dııas avstralııalyq Darıa Gavrılovadan alǵashqy aınalymda jeńilip qalǵan bolatyn.
