Tennıs: ıÝ.Pýtıntseva ataqty V.Ýılıamsty jeńip, shırek fınalǵa shyqty
ASTANA. QazAqparat - Qazaqstannyń birinshi, álemniń 61-inshi raketkasy ıÝlııa Pýtıntseva AQSh-tyń Charlston qalasynda ótip jatqan halyqaralyq týrnırdiń úshinshi aınalymynda dúnıejúzilik reıtıngte 14-inshi orynda turǵan, osy jarysta 3-inshi bolyp tirkelgen ataqty amerıkalyq tennısshi Vınýs Ýılıamspen kúsh synasty.
Tikeleı sporttyq kórsetilim arqyly málim bolǵanyndaı, asa tartysty ótken matchtyń birinshi partııasynda qazaqstandyq tennısshi taı-breıkte jeńiske jete bildi. Ekinshi partııany tájirıbesi mol ári kórermender qoldaǵan 35 jasar V.Ýılıams 6:2 esebimen utty. Sheshýshi, úshinshi partııa da óte shıelenisti boldy. Esep 5:4 bolyp turǵan sátte ıÝlııa breık jasap, kezdesýdi jeńispen aıaqtaı bildi.
Sóıtip 21 jasar ıÝ.Pýtıntseva kezinde álem birinshiligimen teń sanalatyn «Úlken dýlyǵa» týrnırlerin áldeneshe ret utqan V.Ýılıamsti 7:6, 2:6, 6:4 esebimen tize búktirip, Charlston týrnıriniń shırek fınalyna shyqty. Endi ol jartylaı fınalǵa shyǵý úshin ıtalııalyq Sara Erranı men avstralııalyq Samanta Stosýrdyń qaı jeńgenimen talasady.
