TENNIS: ıÝ.Pýtıntseva A.Ivanovıchpen, Z.Dııas D.Vekıchpen kezdesedi
ASTANA. QazAqparat - AQSh-tyń Indıan-Ýells qalasynda tennısten ótip jatqan halyqaralyq týrnırde qazaqstandyq ıÝlııa Pýtıntseva ekinshi aınalymǵa shyqty.
Chempıonat.kom saıtynan alynǵan málimetke qaraǵanda, 1995 jylǵy ıÝ.Pýtıntseva ózinen jasy sál úlken, chehııalyq Tereza Shmıtkovany 6:4, 6:4 esebimen utty. Osyǵan deıin irikteý saıystarynan jarystyń negizgi kezeńine ótken qazaqstandyq tennısshi ekinshi aınalymda álemniń altynshy, osy týrnırdiń besinshi raketkasy, serbııalyq Ana Ivanovıchpen kezdesedi. Reıtıngisi joǵary bolýyna baılanysty ekinshi aınalymǵa birden ótken Qazaqstannyń birinshi raketkasy Zarına Dııas búgin túnde horvatııalyq Donna Vekıchpen kúsh synasady. Zarına D.Vekıchti Qytaıdyń Shenchjen qalasynda ótken bıylǵy jyldyń betashar týrnırinde 6:3, 6:1 esebimen eki partııada jeńgen bolatyn.
Aıta keteıik, Indıan-Ýells týrnıriniń júlde qory 5,4 mln. AQSh dollaryna jýyqtaıdy. Osy jarystyń erler arasyndaǵy básekesinde Qazaqstannyń birinshi raketkasy Mıhaıl Kýkýshkın jaraqatyna baılanysty kanadalyq Vashek Pospıshılmen matchty aıaqtaı almaı, alǵashqy aınalymnan asa almady.
