Tennıs: ıAroslava Shvedova Rımde álemniń birinshi raketkasyna jol berdi
NUR-SULTAN. QazAqparat – Qazaqstan áıelder quramasynyń kapıtany ıAroslava Shvedova Rım WTA 1000 týrnıriniń úshinshi aınalymyna shyǵa almady, dep habarlaıdy QazAqparat tilshisi.
Dúnıejúzilik reıtıngte 665-orynda turǵan ıA.Shvedova Italııa ashyq chempıonatynyń ekinshi aınalymynda álemniń 1-raketkasy, aýstralııalyq Eshlı Bartımen kezdesti.
E.Bartı birinshi partııany 6:4 esebimen utsa, ekinshi sette onyń basymdylyǵy anyq baıqaldy – 6:1.
Báseke 1 saǵat 18 mınýtqa sozyldy.
Aýstralııalyq tennısshi match barysynda 7 eıs jasap, 6 breık-poınttyń beseýin paıdalana bildi. Birde-bir eıs jasamaǵan ıA.Shvedova 6 breık-poınttyń tek ekeýin ǵana óz paıdasyna asyra aldy.
E.Bartı úshinshi aınalymda frantsııalyq Karolın Garsııa nemese reseılik Veronıka Kýdermetovanyń bireýimen sheberlik baıqasady.
Júlde qory 1,8 mln AQSh dollarynan asatyn Rım jarysy 16 mamyrda márege jetedi.
Ótken jyly bul dodada rýmynııalyq Sımona Halep chempıon atanǵan bolatyn.
Eske sala keteıik, budan buryn ıAroslava Shvedovanyń Rım týrnıriniń ekinshi aınalymyna shyqqanyn, qazaqstandyq tennısshilerdiń Zagreb jarysynda juptyq kezdesýlerin sátti ótkizgenin jazǵan bolatynbyz.
