Tennıs: ıAroslava Shvedova Melbýrn týrnırinde jeńilip qaldy
NUR-SULTAN. QazAqparat – Qazaqstandyq ıAroslava Shvedova Melbýrndaǵy Yarra Valley Classic týrnırinde jeńilip qaldy, dep habarlaıdy QazAqparat tilshisi.
Qazaqstandyq tennısshiniń birinshi aınalymdaǵy qarsylasy ózgerip, jaraqatyna baılanysty jarystan bas tartqan belgııalyq Kırsten Flıpkenstiń ornyna Belarýs ókili Vera Lapko shyqty.
Sábıli bolýyna jáne jaraqatyna baılanysty bir jarym jyldyq úzilisten keıin ótken jyly kortqa oralǵan Qazaqstan áıelder quramasynyń kapıtany ıA.Shvedova V.Lapkodan 11 jasqa úlken edi.
Birinshi partııada qazaqstandyq tennısshi basymdylyq kórsetti – 6:4. Ekinshisinde V.Lapko eki márte breık jasap, ese qaıyrdy – 6:2.
Úshinshi, sheshýshi partııada V.Lapko 3:1 esebimen alǵa shyqty. Esep 5:2 bolyp, belarýs tennısshisi matchqa dop bergende, ıA.Shvedova breık jasaı aldy. Degenmen ekinshi ret matchqa dop bergen V.Lapko múmkindigin múlt jibergen joq – 6:4.
Tartysty ótken match 2 saǵat 15 mınýtqa sozyldy.
V.Lapko ekinshi aınalymda álemniń 18-inshi, osy jarystyń 7-raketkasy, horvatııalyq Petra Martıchpen kezdesedi.
ıA.Shvedova 8 aqpanda bastalatyn Aýstralııa ashyq chempıonatynda baq synaıdy.
Taǵy bir qazaqstandyq, dúnıejúzilik reıtıngte 81-orynda turǵan Zarına Dııas búgin Melbýrnda bastalǵan Gippsland Trophy WTA 500 týrnırinde baq synaıdy. Ol erteń álemniń 51-raketkasy, germanııalyq Laýra Zıgemýndpen kortqa shyǵady.
Eske sala keteıik, budan buryn Aleksandr Nedovesovtiń Antalııa týrnıriniń fınalyna shyqqanyn, ıA.Shvedovanyń qarsylasy ózgergenin, qazaqstandyq tennısshilerdiń Melbýrn týrnırindegi qarsylastary anyqtalǵanyn jazǵan bolatynbyz.
