Tennıs: ıAroslava Shvedova Doha týrnıriniń irikteý saıysyn sátti bastady
NUR-SULTAN. QazAqparat – Qazaqstan áıelder quramasynyń kapıtany ıAroslava Shvedova Doha WTA 500 týrnıriniń irikteý saıysyn sátti bastady, dep habarlaıdy QazAqparat tilshisi.
Qazaqstandyq tennısshi bastapqy kezdesýin ózbekstandyq Aqgúl Amanmýradovamen ótkizdi.
ıA.Shvedova 1 saǵattan sál astam ýaqytqa sozylǵan básekede aıqyn basymdylyq kórsetti – 6:3, 6:0.
Bul – ıAroslava Shvedovanyń sábıli bolýyna jáne jaraqatyna baılanysty jyl jarymdyq úzilisten keıingi alǵashqy jeńisi.
ıA.Shvedova irikteý saıystarynyń jartylaı fınalynda amerıkalyq Betanı Mattek-Sandspen sheberlik baıqasady.
Jalpy júlde qory 565 530 AQSh dollaryna baǵalanǵan Dohanyń negizgi týrnıri 1 naýryzda bastalyp, oǵan Qazaqstannyń birinshi, álemniń 23-raketkasy Elena Rybakına qatysady.
Taǵy bir qazaqstandyq ıÝlııa Pýtıntseva densaýlyǵyna baılanysty Doha dodasynan syrt qaldy. Onyń búıreginen tas tabylyp, ota jasaldy.
Eske sala keteıik, budan buryn Aleksandr Nedovesovtiń juptyq synda Nur-Sultan jarysynyń jeńimpazy atanǵanyn, Aleksandr Býblıktiń Sıngapýr týrnıriniń fınalyna shyqqanyn jazǵan bolatynbyz.
