Tennıs: ıAroslava Shvedova Doha týrnıriniń alǵashqy aınalymynan asa almady
NUR-SULTAN. QazAqparat – Qazaqstandyq ıAroslava Shvedova Doha (Katar) premer týrnıriniń ekinshi aınalymyna shyǵa almady, dep habarlaıdy QazAqparat tilshisi.
ıA.Shvedova alǵashqy aınalymda álemniń 73-raketkasy, germanııalyq Laýra Zıgemýndpen kúsh synasty.
Germanııalyq sportshy 6:3, 6:2 esebimen jeńiske jetti.
Báseke 1 saǵat 18 mınýtqa sozyldy.
Bul kezinde dúnıejúzilik reıtıngte 25-orynǵa deıin kóterilgen ıA.Shvedovanyń egiz sábıli bolýyna baılanysty oryn alǵan úzilisten keıingi bastapqy oıyny edi. Oǵan qosa tájirıbeli sportshy bıyl Qazaqstan áıelder quramasynyń kapıtany retinde bapkerlikti de qolǵa alǵan bolatyn.
L.Zıgemýnd ekinshi aınalymda álemniń 1-raketkasy, aýstralııalyq Eshlı Bartımen sheberlik baıqasady. Eger úshinshi aınalymǵa deıin jetse, Elena Rybakına da E.Bartımen kezdesip qalýy ábden yqtımal. E.Rybakına alǵashqy kezdesýin rýmynııalyq Sorana Kyrstıamen ótkizedi. Taǵy bir qazaqstandyq ıÝlııa Pýtıntseva álemniń 31-raketkasy, reseılik Anastasııa Pavlıýchenkovamen kortqa shyǵady.
Júlde qory 3,2 mln AQSh dollarynan asatyn iri jarys 29 aqpanda márege jetip, jeńimpaz anyqtalady.
Eske sala keteıik, budan buryn Aleksandr Býblıktiń Marsel týrnıriniń fınalyna shyǵa almaǵanyn, Elena Rybakınanyń Dýbaıda sońǵy básekede álemniń 2-raketkasyna jol bergenin, al A.Býblık pen M.Kýkýshkınniń qarsylastary anyqtalǵanyn jazǵan bolatynbyz.
