Tennıs: ıAroslava Shvedova Ábý-Dabı týrnıriniń ekinshi aınalymyna shyǵa almady
NUR-SULTAN. QazAqparat – Qazaqstandyq ıAroslava Shvedova Ábý-Dabı WTA 500 týrnıriniń ekinshi aınalymyna shyǵa almady, dep habarlaıdy QazAqparat tilshisi.
Jaraqatyna jáne sábıli bolýyna baılanysty ıA.Shvedova úsh jarymdaı jyl oınamaǵan edi.
Ótken jyly kortqa qaıta oralyp, Qazaqstan áıelder quramasynyń kapıtany bolǵan ıAroslava Ábý-Dabı jarysynyń alǵashqy aınalymynda reıtıngte 318-orynda turǵan ıtalııalyq Bıanka Týratımen sheberlik baıqasty.
B.Týratı 23-te bolsa, ıA.Shvedova odan týra on jasqa úlken edi.
Negizgi dodaǵa irikteý saıysynyń jeńimpazy retinde qosylǵan B.Týratıdiń birinshi partııada basymdylyǵy aıqyn baıqaldy – 6:1.
Italııalyq tennısshi ekinshi sette esep 1:1 bolǵan mezette breık jasaı aldy. Aqyry ol matchty taǵy bir breıkpen túıindedi – 6:2.
Báseke 1 saǵat 20 mınýtqa sozyldy.
Buǵan deıin ıÝlııa Pýtıntseva men Elena Rybakına osy týrnırdiń alǵashqy aınalymynda ıtalııalyq qarsylastarynan basym túsken edi. ıA.Shvedova olardyń jeńisti jolyn jalǵastyra almady.
Eske sala keteıik, budan buryn ıÝlııa Pýtıntsevanyń Ábý-Dabı týrnırin jeńispen bastaǵanyn, Zarına Dııastyń utylyp qalǵanyn, Elena Rybakınanyń ekinshi aınalymǵa shyqqanyn jazǵan edik.
