TENNIS: ıA.Shvedova juptyq synda fınalda óner kórsetedi
ASTANA. QazAqparat - Parıj qalasynda ótip jatqan Frantsııanyń ashyq chempıonaty «Rolan Garros» týrnırinde qazaqstandyq ıAroslava Shvedova avstralııalyq Keısa Dellakýamen birge juptyq synda fınalǵa joldama aldy.
Juptyq synda 12-inshi bolyp tirkelgenine qaramastan, ıA.Shvedova men K.Dellakýa jartylaı fınalda osy jarystyń ekinshi raketkalary, reseılikter Ekaterına Makarova men Elena Vesnınany 6:3, 6:2 esebimen utty.
Aıta keteıik, qazaqstandyq tennısshi men avstralııalyq sportshynyń juptasyp óner kórsete bastaǵanyna kóp bola qoıǵan joq. Sonyń ózinde sheberlikteriniń joǵary ekenin tanytyp, fınalǵa shyǵýy - úlken jetistik. Endi olar sońǵy básekede osy jarystyń jetinshi raketkalary, chehııalyq Lıýsı Shafarjova men amerıkandyq Betanı Mattek-Sendspen kezdesedi. Onyń ústine L.Shafarjova jekeleı synda óz sporttyq tarıhynda alǵash ret fınalda ataqty amerıkandyq Serena Ýılıamspen kúsh synasady.
