TENNIS: ıA.Shvedova tórtinshi aınalymǵa óte almady
ASTANA. QazAqparat - Búgin Melbýrn qalasynda ótip jatqan Avstralııa ashyq chempıonatynda úshinshi aınalym oıyndary bastaldy.
Chempıonat.kom saıtynan alynǵan málimetke qaraǵanda, alǵashqylardyń biri bolyp kortqa shyqqan qazaqstandyq ıAroslava Shvedova qytaı qyzy Pen Shýaımen sheberlik baıqasty. Asa tartysty ótken oıynda birinshi partııada P.Shýaı taı-breıkte tarazy basyn ózine aýdara aldy. Esep - 7:6. Ekinshi partııa da osylaı ótip jatty. Ár geımdi utý oıynshylarǵa qıynǵa tústi. Esep 3:3 bolǵan sátten keıin jetinshi geımdi ıAroslava berip qoıdy. Budan keıin Pen Shýaı des bermeı, úsh geımdi qatar utyp, 6:3 esebimen jeńip ketti. Degenmen, bıylǵy chempıonatta ıA.Shvedova birshama sátti óner kórsetti. Ótken jyly ol birinshi aınalymnan asa almaǵan bolatyn.
Aıta keteıik, álemdik satyda 21-inshi orynda turǵan P.Shýaı tórtinshi aınalymda reseılik Marııa Sharapova nemese qazaqstandyq Zarına Dııastyń bireýimen kezdesedi. Búgin taǵy bir reseılik Ekaterına Makarova chehııalyq Karolına Plıshkovany jeńip, kelesi aınalymǵa joldama aldy. Al Z.Dııas jekeleı synda Qazaqstannan jalǵyz qaldy.
