Tennıs: ıA.Shvedova Malorka týrnıriniń alǵashqy aınalymynan asa almady
ASTANA. QazAqparat - Ispanııanyń Malorka qalasynda tennısten ótip jatqan halyqaralyq týrnırde qazaqstandyq ıAroslava Shvedova alǵashqy aınalymda slovakııalyq Danıela Gantýhovamen kúsh synasty.
Chempıonat.kom saıtynyń habarlaýynsha, 33 jasar Gantýhova Shvedovany 6:1, 6:3 esebimen ońaı jeńdi. D.Gantýhova ekinshi aınalymda taǵy bir qazaqstandyq, álemniń 36-ynshy, osy jarystyń 5-inshi raketkasy ıÝlııa Pýtıntseva nemese rýmynııalyq Sorana Kyrstanyń qaı jeńgenimen kezdesedi.
Eske sala keteıik, bıylǵy Rıo olımpıadasyna Qazaqstannan tennısshiler arasynda ıÝlııa Pýtıntseva, ıAroslava Shvedova jáne erlerden Mıhaıl Kýkýshkın barady. ıA.Shvedova juptyq saıysta óner kórsetedi. Sondyqtan ol syńaryn qazaqstandyq tennısshilerdiń birinen ózi tańdaıdy. Sondaı-aq Galına Voskoboevaǵa da olımpıada joldamasy berilýi múmkin.
