Tennıs: ıA.Shvedova danııalyq K.Voznıatskıge jol berdi
ASTANA. QazAqparat - Qazaqstandyq tennısshi ıAroslava Shvedova AQSh-tyń Indıan-Ýells qalasyndaǵy týrnırde úshinshi aınalymda danııalyq Karolına Voznıakımen sheberlik baıqasty.
Qazaqstandyq tennısshi álemdik reıtıngte 64-inshi orynda tursa, Karolına Voznıatskı kezinde kósh bastaǵan oıynshy bolatyn. Týrnırge 10-ynshy raketka bolyp qatysqan Karolına men ıAroslavanyń tartysty oıyny 2 saǵat 31 mınýtqa sozyldy. Birinshi partııada taıbreıkte 7:6 esebimen danııalyq jeńiske jetse, ekinshisinde qazaqstandyq sportshy 6:3 esebimen ese qaıtardy. Alaıda sheshýshi sette K.Voznıatskı 6:1 esebimen utyp, kelesi aınalymǵa joldama aldy.
Aıta keteıik, bul iri dodaǵa osy týrnırdiń ótken jylǵy jeńimpazy, áıgili reseılik tennısshi Marııa Sharapova da qatysýda.
