Tennıs: Voskoboeva juptyq synda ıÝrmala týrnıriniń fınalyna shyqty
NUR-SULTAN. QazAqparat – Qazaqstandyq Galına Voskoboeva latvııalyq Elena Ostapenkomen birge ıÝrmala (Latvııa) WTA týrnıriniń fınalyna shyqty, dep habarlaıdy QazAqparat tilshisi.
Týrnırdiń 1-raketkasy bolyp tirkelgen qazaqstandyq-latvııalyq jup jartylaı fınalda rýmynııalyq Irına Marııa Bare men slovenııalyq Dalıla ıAkýpovıchpen kezdesti.
Birinshi partııa barysynda rýmynııalyq-slovenııalyq jup esep 5:4 bolǵan mezette setke dop bergenimen, múmkindikterin paıdalana almady. Taı-breıkte Voskoboeva men Ostapenko aıqyn basymdylyq tanytty – 7:6 (7:1).
Ekinshi sette qazaqstandyq-latvııalyq jup esep 2:2 bolǵannan keıin qos birdeı breık jasap, qarsylastaryna des bergen joq – 6:2.
Báseke 1 saǵat 20 mınýtqa sozyldy.
Voskoboeva men Ostapenko fınalda kanadalyq Sheron Fıchmen men serbııalyq Nına Stoıanovıchpen bas júldeni sarapqa salady.
Taǵy bir qazaqstandyq Tımofeı Skatov jekeleı synda Denııa (Ispanııa) ITF týrnıriniń fınalyna shyqty. Ol sońǵy básekede ıspanııalyq Karlos Alkaras Garfııamen kortqa shyǵady.
Eske sala keteıik, budan buryn G.Voskoboeva men E.Ostapenkonyń ıÝrmala týrnıriniń jartylaı fınalyna shyqqanyn, Andreı Golýbev pen Aleksandr Nedovesovtiń Praga jarysynyń fınalynda jeńilip qalǵanyn jazǵan bolatynbyz.
