Tennıs: Voskoboeva juptyq synda Máskeý týrnıriniń jartylaı fınalyna shyqty
ASTANA. QazAqparat - Qazaqstandyq Galına Voskoboeva frantsııalyq Krıstına Mladenovıchpen juptyq synda Máskeý týrnıriniń jartylaı fınalyna shyqty, dep habarlaıdy QazAqparat tilshisi.
Olar shırek fınalda reseılik Anastasııa Potapova men ulybrıtanııalyq Herrıet Dartty 6:3, 6:1 esebimen tize búktirdi.
Nebári 55 mınýtqa sozylǵan kezdesýde G.Voskoboeva men K.Mladenovıchtiń basymdylyǵy aıqyn kórindi.
Galına men Krıstına fınalǵa shyǵý úshin taǵy bir reseılik Aleksandra Panova men germanııalyq Laýra Zıgemýndpen kúsh synasady. Bul jup asa tartysty matchta reseılikter Olga Doroshına men Polına Monovany 6:4, 3:6, 10:7 esebimen utty.
Máskeýde ótip jatqan «Kreml kýbogy» jarysynda jekeleı synda qazaqstandyqtardyń joly bolmady. Qazaqstannyń birinshi, álemniń 73-inshi raketkasy Mıhaıl Kýkýshkın alǵashqy aınalymda reıtıngte 105-inshi orynda turǵan reseılik Evgenıı Donskoıdan utylyp qaldy. Al reıtıngte 219-ynshy satydaǵy Aleksandr Býblık álemniń 51-inshi raketkasy, frantsııalyq Per-ıÝg Erberge jol berdi.
Áıelder arasynda Qazaqstannyń birinshi, álemniń 48-inshi raketkasy ıÝlııa Pýtıntseva Máskeý jarysynyń ekinshi aınalymynda reıtıngte 11-inshi oryndaǵy latvııalyq Anastasııa Sevastovadan aılasyn asyra almady. Bul match úsh partııaǵa, 2 saǵat 26 mınýtqa sozylyp, onda A.Sevastova 7:5, 4:6, 6:4 esebimen jeńiske jetti.
Eske sala keteıik, budan buryn ıÝ.Pýtıntsevanyń Máskeý týrnıriniń ekinshi aınalymyna shyqqanyn jazǵan bolatynbyz.
