Tennıs: Voskoboeva juptyq synda Madrıd týrnıriniń 1/2 fınalyna shyqty
NUR-SULTAN. QazAqparat - Qazaqstandyq tennısshi Galına Voskoboeva reseılik Veronıka Kýdermetovamen birge juptyq synda Madrıd týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstandyq-reseılik jup shırek fınalda osy týrnırdiń 8-raketkasy bolyp tirkelgen germanııalyq Anna-Lena Grenefeld pen Nıderlandy eliniń ókili Demı Shıýrspen synǵa tústi.
G.Voskoboeva men V.Kýdermetova 6:4, 6:3 esebimen eki partııada jeńiske jetti.
Báseke bir saǵatqa sozyldy.
Endi G.Voskoboeva men V.Kýdermetova fınalǵa shyǵý úshin osy týrnırdiń sáıkesinshe besinshi jáne úshinshi raketkalary, taıvandyq Se Shýveı men chehııalyq Barbora Strytsova nemese aýstralııalyq Samanta Stosýr men qytaılyq Shýaı Chjan jubynyń qaı jeńgenimen talasady.
Eske sala keteıik, budan buryn Galına Voskoboevanyń juptyq synda Madrıd týrnıriniń shırek fınalyna shyqqanyn jazǵan bolatynbyz.
Sondaı-aq búgin Zarına Dııas Japonııadaǵy Fýkýoka, Dmıtrıı Popko men Aleksandr Nedovesov Qazaqstandaǵy Shymkent týrnıriniń shırek fınalyna joldama aldy.
