Tennıs: Voskoboeva juptyq synda Lýgano týrnıriniń fınalynda utylyp qaldy
NUR-SULTAN. QazAqparat - Qazaqstandyq tennısshi Galına Voskoboeva reseılik Veronıka Kýdermetovamen birge Lýgano (Shveıtsarııa) týrnıriniń fınalynda rýmynııalyqtar Sorana-Mıhaela Kyrstıa men Krıstına-Andrea Mıtýmen kezdesti, dep habarlaıdy QazAqparat tilshisi.
Voskoboeva men Kýdermetova juptyq synda osy týrnırdiń 1-raketkasy bolyp tirkelgen edi. Olardyń fınaldaǵy qarsylastary jarystyń 3-raketkasy bolatyn.
Birinshi partııa qazaqstandyq-reseılik juptyń aıqyn basymdylyǵymen aıaqtaldy - 6:1.
Ekinshi sette kerisinshe rýmynııalyq tennısshiler 3:0 esebimen alǵa ketti. Aqyry olar jeńistik bermedi - 6:2.
Sońǵy sette Kyrstıa men Mıtý juby 10:8 esebimen támamdady.
Báseke 1 saǵat 8 mınýtqa sozyldy.
Eske sala keteıik, budan buryn G.Voskoboeva men V.Kýdermetovanyń Lýgano týrnıriniń jartylaı jáne fınalyna shyqqanyn jazǵan bolatynbyz.
Erler arasynda Qazaqstannyń birinshi, álemniń 44-raketkasy Mıhaıl Kýkýshkınniń Monte-Karlo týrnırindegi qarsylasy anyqtalsa, taǵy bir qazaqstandyq Dmıtrıı Popko AQSh-taǵy ITF týrnıriniń fınalyna shyqty.
Reıtıngte 623-orynda turǵan D.Popko fınalda amerıkalyq, álemniń 515-raketkasy Sebastıan Kordamen chempıondyqqa talasady.
