Tennıs: Voskoboeva juptyq synda Bırmıngem týrnıriniń shırek fınalyna shyqty
NUR-SULTAN. QazAqparat - Qazaqstandyq Galına Voskoboeva latvııalyq Elena Ostapenkomen birge juptyq synda Bırmıngem WTA týrnıriniń shırek fınalyna shyqty, dep habarlaıdy QazAqparat tilshisi.
Qazaqstandyq-latvııalyq jup alǵashqy aınalymda ulybrıtanııalyqtar Eden Sılva men Sara Bet Greımen sheberlik baıqasty.
Birinshi partııada Voskoboeva men Ostapenko qarsylastaryna birde-bir geım bergen joq - 6:0.
Ekinshi sette ulybrıtanııalyqtar taı-breıkte ese qaıyrdy - 7:6 (7:3). Sodan keıin Voskoboeva men Ostapenko matchty jeńispen aıaqtaı bildi - 10:8.
Báseke 1 saǵat 19 mınýtqa sozyldy.
Qazirgi kezde álemdik reıtıngte 37-satyda turǵan Elena Ostapenkonyń budan eki jyl buryn jıyrma jasynda jekeleı synda Rolan Garros dodasynyń jeńimpazy atanǵan bolatyn.
Qazaqstandyq-latvııalyq jup jartylaı fınalǵa shyǵý úshin osy jarystyń 3-raketkalary, amerıkalyq Nıkol Melıchar men chehııalyq Kveta Peshke nemese Polsha eliniń ókili Alısııa Rosolska men qytaılyq Chjaosıýan ıAnnyń qaı jeńgenimen talasady.
Júlde qory 1 mln AQSh dollarynan asatyn Bırmıngem týrnıri 23 maýsymda márege jetedi.
Jekeleı synda Qazaqstannyń birinshi, álemniń 43-raketkasy ıÝlııa Pýtıntseva alǵashqy aınalymda reıtıngte 157-satydaǵy taǵy bir ulybrıtanııalyq Herrıet Dartpen kezdesedi.
Erler arasynda Qazaqstannyń birinshi, álemniń 47-raketkasy Mıhaıl Kýkýshkın London ATP týrnıriniń (júlde qory - 2 mln astam eýro) birinshi aınalymynda reıtıngte 65-oryndaǵy frantsııalyq Jeremı Shardımen kortqa shyǵady.
Eske sala keteıik, budan buryn Zarına Dııastyń Manchester jarysynyń fınalynda utylyp qalǵanyn, degenmen álemdik reıtıngte 89-orynǵa kóterilgenin, al Aleksandr Býblıktiń London týrnıriniń alǵashqy aınalymynan asa almaǵanyn jazǵan bolatynbyz.
