Tennıs: Voskoboeva Ýımbldon týrnırin sátti bastady
NUR-SULTAN. QazAqparat - Qazaqstandyq Galına Voskoboeva rýmynııalyq Sorana Kyrstıamen birge juptyq synda Ýımbldon týrnırin sátti bastady, dep habarlaıdy QazAqparat tilshisi.
Qazaqstandyq-rýmynııalyq jup bastapqy kezdesýin ulybrıtanııalyqtar Sara Bet Greı men Eden Sılvamen ótkizdi.
Voskoboeva men Kyrstıa birinshi partııada qarsylastaryna birde-bir geım bergen joq - 6:0. Ekinshi sette de basymdylyqtaryn aıqyn baıqatty - 6:3.
Báseke bir saǵatqa jýyq ýaqytqa sozyldy.
Voskoboeva men Kyrstıa ekinshi aınalymda frantsııalyq Alıze Korne men horvatııalyq Petra Martıch jáne reseılik Veronıka Kýdermetova men latvııalyq Elena Ostapenko juptarynyń qaı jeńgenimen sheberlik baıqasady.
Erler arasyndaǵy juptyq synda Mıhaıl Kýkýshkın men Aleksandr Býblık úndistandyq Leander Paes pen frantsııalyq Benýa Permen kortqa shyǵady.
Jekeleı synda búgin Qazaqstannyń birinshi, álemniń 39-raketkasy ıÝlııa Pýtıntseva reıtıngte 81-oryndaǵy shveıtsarııalyq Vıktorııa Golýbıchpen kúsh synasady.
Eske sala keteıik, budan buryn M.Kýkýshkınniń Ýımbldon týrnıriniń ekinshi aınalymyna shyqqanyn jazǵan bolatynbyz.
