Tennıs: Voskoboeva Ýımbldon týrnırin aralas synda da sátti bastady
NUR-SULTAN. QazAqparat - Qazaqstandyq Galına Voskoboeva ýkraınalyq Denıs Molchanovpen birge aralas synda Ýımbldon týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstandyq-ýkraınalyq jup alǵashqy kezdesýin reseılik Anastasııa Pavlıýchenkova men aýstrııalyq ıÝrgen Meltsermen ótkizdi.
Voskoboeva men Molchanov birinshi sette taı-breıkte basym tústi - 7:6 (8:6).
Ekinshi setti qarsylastary 1:6 esebimen alǵanymen, sheshýshi, úshinshi partııada qazaqstandyq-ýkraınalyq jup esesin jibermedi - 6:4.
Báseke eki saǵatqa jýyq ýaqytqa sozyldy.
Voskoboeva men Molchanov ekinshi aınalymda osy týrnırdiń birinshi raketkasy bolyp tirkelgen amerıkalyq Nıkol Melıkar men brazılııalyq Brýno Soarespen sheberlik baıqasady.
Erler arasyndaǵy juptyq synda Mıhaıl Kýkýshkın men Aleksandr Býblık ekinshi aınalymda osy jarystyń 2-raketkalary, kolýmbııalyqtar Hýan Sebastıan Kabal men Robert Farahpen kortqa shyqty.
Qazaqstandyq jup kezdesýdi sátti bastady - 6:4. Alaıda qalǵan úsh partııada kolýmbııalyqtar 6:2, 6:2, 6:1 esebimen jeńiske jetti. Sóıtip Kýkýshkın men Býblık juptyq synda jarys jolynan shyǵyp qaldy.
Eske sala keteıik, budan buryn G.Voskoboevanyń áıelder arasynda juptyq synda jarysty sátti bastaǵanyn, al M.Kýkýshkınniń týrnırdiń 9-raketkasyn utqanyn jazǵan bolatynbyz.
