Tennıs: Voskoboeva Akapýlko týrnırinde jaraqat aldy
ASTANA. QazAqparat - Qazaqstandyq tennısshi Galına Voskoboeva jaraqatyna baılanysty birqatar týrnırlerge qatysa almaıtyn boldy. Bul týraly ol búgin óziniń Tvıtterdegi paraqshasynda habarlady.
Onyń aıtýynsha, Meksıkanyń Akapýlko qalasynda ótken Abierto Mexicano Telcel jarysy barysynda jaraqat alǵan.
«Ókinishke oraı, ózimniń ónerimdi toqtata turý qajet ekendigin habarlaýyma týra keledi. Akapýlko týrnırinde meniń aıaǵyma zaqym keldi, týrnırdiń bas kezinde syrqat aıaq aýyra bastady jáne isip ketti. Anyqtalǵanyndaı, bir súıegim synǵan, ekinshisinde jaryqshaq bar», - dep jazady sportshy.
Aıta ketý kerek, 1,5 mln. dollar syıaqysy bar Akapýlko jarysynda Galına Voskoboeva frantsııalyq Krıstına Mladenovıchpen birge juptyq synda jeńiske jetken bolatyn.
