TENNIS: US Open týrnıriniń alǵashqy aınalymynda Z.Dııas P.Hertsogpen kezdesedi
ASTANA. QazAqparat - 31 tamyzda bastalatyn tennısten AQSh ashyq chempıonatynyń birinshi aınalymynda Qazaqstannyń ári Azııanyń birinshi raketkasy, álemdik reıtıngte 34-shi orynda turǵan Zarına Dııas slovenııalyq Polona Hertsogpen kezdesedi.
Chempıonat.kom saıtynan alynǵan málimetke qaraǵanda, áıelder arasyndaǵy saıystyń júlde qory - 19 mln. 852,7 myń AQSh dollary. Osy jyldaǵy «úlken dýlyǵanyń» sońǵy týrnırinde basty favorıt - álemniń birinshi raketkasy, amerıkandyq Serena Ýılms. Ol bul jarysty da utatyn bolsa, bıylǵy tórt «úlken dýlyǵany» túgeldeı ıelenedi. Zarınanyń qarsylasy P.Hertsog mundaı iri jarystarda onsha kózge túspegenimen, ońaı shaǵylatyn jańǵaq emes. Taǵy bir qazaqstandyq ıÝlııa Pýtıntseva irikteý saıystarynda jeńip shyqqandardyń birimen sheberlik baıqasady. Sondaı-aq irikteý synynda joly bolsa, ıAroslava Shvedova da týrnır kortyna shyǵady. US Open týrnıri 13 qyrkúıekte márege jetedi. Eske sala keteıik, ótken jylǵy osy jarysta Zarına Dııas úshinshi aınalymǵa deıin jetip, onda reseılik Ekaterına Makarovaǵa jol bergen bolatyn.
