Tennıs: Ýımbldonda 15 jasar qyz osy týrnırdiń bes márte chempıonyn utty
NUR-SULTAN. QazAqparat - Ýımbldon týrnıriniń alǵashqy aınalymynda 15 jasar amerıkalyq Korı Gaýff óziniń otandasy, 39 jasar Vınýs Ýılıamsty jeńdi, dep habarlaıdy QazAqparat.
Álemdik reıtıngte 313-orynda turǵan K.Gaýff negizgi jarysqa irikteý saıystarynan keıin qosylǵan edi.
2004 jyly 13 naýryzda dúnıege kelgen amerıkalyq tennısshi Ýımbldon tarıhyndaǵy eń jas tennısshi retinde tirkeldi.
K.Gaýff bastapqy kezdesýin ataqty amerıkalyq sportshy, osy týrnırdiń bes márte jeńimpazy V.Ýılıamspen ótkizdi.
Oıyn barysynda úsh márte breık jasaǵan jas tennısshi 6:4, 6:4 esebimen jeńiske jetti.
Match aıaqtalǵannan keıin Gaýff kóz jasyna erik berdi. Endi ol ekinshi aınalymda reıtıngte 139-oryndaǵy slovakııalyq Magdalena Rybarıkovamen sheberlik baıqasady.
V.Ýılms tamasha oınaǵan jas otandasynyń budan bylaı da tabysqa jetýine tilektestigin bildirdi.
Osylaısha K.Gaýff tennıs áleminde taǵy bir jaryq juldyzdyń aıy ońynan týyp kele jatqanyn tanytyp úlgergendeı.
Ýımbldonda Vınýstyń sińlisi, «Úlken dýlyǵa» týrnırleriniń 23 márte jeńimpazy Serena Ýılms te óner kórsetedi.
Erler arasynda 2 shilde kúni Qazaqstannyń birinshi, álemniń 58-raketkasy Mıhaıl Kýkýshkın reıtıngte 78-satydaǵy ıspanııalyq Pablo Andýharmen kezdesedi. Al álemniń 82-raketkasy Aleksandr Býblık reıtıngte 116-orynda turǵan frantsııalyq Gregýar Barrermen kortqa shyǵady.
Eki aptaǵa sozylatyn Ýımbldon dodasy 14 shildede márege jetedi.
Eske sala keteıik, budan buryn ıÝlııa Pýtıntsevanyń Ýımbldonda álemniń 2-raketkasyn utqanyn jazǵan bolatynbyz.
