TENNIS: Ýımbldon týrnırine qazaqstandyqtar da qatysady
ASTANA. QazAqparat - Búgin Londonda «úlken dýlyǵa» jarysynyń biri bolyp esepteletin Ýımbldon týrnıri bastalady.
Chempıonat.kom saıtynan alynǵan málimetke qaraǵanda, júlde qory erler men áıelder arasynda da birdeı - 14 687 991 AQSh dollary.
Áıelder arasyndaǵy básekede Qazaqstannyń birinshi, álemniń 34-inshi raketkasy, jıyrma bir jasar Zarına Dııasqa jerebe joldas bola qoıǵan joq. Ol alǵashqy aınalymda ıtalıandyq asa tájirıbeli tennısshi, álemdik reıtıngte 24-inshi orynda turǵan otyz úsh jasar Flavııa Pennettamen kezdesedi. Taǵy bir qazaqstandyq, álemdik reıtıngte 77-inshi orynda turǵan 27 jasar ıAroslava Shvedova 54-inshi satydaǵy 33 jasar horvatııalyq Mırıana Lıýchıch-Baronımen sheberlik baıqasady. Al álemniń 95-inshi raketkasy, 20 jasar ıÝlııa Pýtıntseva dúnıejúzilik reıtıngte 86-ynshy oryndaǵy jańazelandııalyq, 27 jasar Marına Erakovıchpen kortqa shyǵady.
Álemniń birinshi raketkasy, amerıkandyq Serena Ýılms bıyl «úlken dýlyǵa» týrnırlerin túgeldeı jeńip almaq nıette. Sondaı-aq Ýımbldon týrnıriniń ótken jylǵy jeńimpazy, chehııalyq Petra Kvıtova, reseılik Marııa Sharapova, rýmynııalyq Sımona Halep jáne basqalary qarap qalmas.
Erler arasyndaǵy saıysta Qazaqstannyń birinshi raketkasy Mıhaıl Kýkýshkınge asa myqty qarsylas tústi. Ol osy týrnırdiń 2013 jylǵy jeńimpazy, bıylǵy úshinshi raketkasy, ulybrıtanııalyq Endı Marreımen kúsh synasady. Іrikteý saıystarynan ótip, negizgi týrnırge qosylǵan Aleksandr Nedovesov birinshi aınalymda týrnırdiń 22-inshi raketkasy, serbııalyq Vıktor Troıtskımen kezdesedi.
Álemniń birinshi raketkasy, serbııalyq, Ýımbldon týrnıriniń ótken jylǵy jeńimpazy Novak Djokovıch, shveıtsarııalyqtar Rodjer Federer, Stanıslas Vavrınka, ıspanııalyq Rafael Nadal syndy myqtylar bas júldeden úmitti.
Eki aptaǵa sozylatyn Ýımbldon týrnıri 12 shildede márege jetedi.
Aıta keteıik, Zarına Dııas pen ıAroslava Shvedova ótken jyly osy týrnırde tabysty óner kórsetip, tórtinshi aınalymyna deıin jetken bolatyn.
