TENNIS: Ýımbldon týrnırinde Z.Dııas pen ıA.Shvedova qos Krıstınamen kezdesedi
ORAL. QazAqparat - 23 maýsym-5 shilde aralyǵynda álemniń tennıs súıer qaýymynyń nazary «Úlken dýlyǵanyń» biri bolyp esepteletin Ýımbldon týrnırine aýmaq.
Oǵan qazaqstandyq tennısshiler de qatysady. Jıyrma jasar Zarına Dııas alǵashqy aınalymda frantsııalyq tennısshi, ózinen bir-aq jas úlken Krıstına Mladenovıchpen sheberlik baıqasady. Al osy aptada Hertogenbosh (Nıderlandy) týrnırinde shırek fınalǵa deıin jetken ıAroslava Shvedova chehııalyq Krıstına Plıshkovamen kezdesedi. Bulardyń ekeýi de - jaqsylap oınasa, utýǵa bolatyn qarsylastar. Al Ýımbldondaǵy erler týrnırinde qazaqstandyq Andreı Golýbevke jerebe boıynsha birden álemdegi eń myqtylardyń biri, serbııalyq Novak Djokovıch tústi. Mıhaıl Kýkýshkın Dýdı Sela (Izraıl), Aleksandr Nedovesov Lý En-Hsýnmen (Taıvan) kortqa shyǵady. Aıta keteıik, Zarına Dııastan basqalarynyń bári de - shetten kelip, Qazaqstan azamattyǵyn alǵan oıynshylar.
