Tennıs: Ýımbldon týrnırinde qazaqstandyq tennısshilerdiń qarsylastary belgili boldy

Chempıonat.kom saıtynyń habarlaýynsha, álemdegi tórt «úlken dýlyǵanyń» biri sanalatyn iri jarystyń birinshi aınalymynda Qazaqstannyń birinshi, álemniń 38-inshi  raketkasy ıÝlııa Pýtıntseva reıtıngisi áldeqaıda tómen, týrnırge arnaıy shaqyrtý alǵan reseılik Marına Melnıkovamen kezdesedi. ıÝlııa qarsylasyn bıylǵy aqpanda Gaosıýnde (Taıvan) ótken týrnırde 6:2, 6:3 esebimen utqan bolatyn. Taǵy bir qazaqstandyq ıAroslava Shvedova germanııalyq belgili tennısshi ıÝlııa Gergespen kortqa shyǵady. Ol mamyr aıynda Nıýrnberg týrnırinde qazaqstandyq attasy ıÝlııa Pýtıntsevany 6:4, 6:2 esebimen tize búktirgen edi. Sonyń qarymtasyn ıAroslava qaıtara ala ma, ony oıyn kórsetedi. Al Zarına Dııas alǵashqy aınalymda taǵy bir nemis qyzy Anna-Lena Frıdzammen kúsh synasady. Ol da - tym-táýir tabysqa qol jetkizip júrgen, sonyń ishinde bıylǵy Avstralııa ashyq chempıonatynda tórtinshi aınalymǵa deıin jetken azýly qarsylastyń biri. Bıyl óz-ózine kele almaı, reıtıngisi tómendep ketken Zarına ótken jylǵy Ýımbldon týrnırinde tórtinshi aınalymǵa deıin jetip, onda ataqty Marııa Sharapovaǵa ese jibergen bolatyn.

Kúlli tennıs súıer qaýym kóz tigetin, 10 shildege deıin sozylatyn dodanyń erler arasyndaǵy básekesine Qazaqstannan Mıhaıl Kýkýshkın qatysady. M.Kýkýshkınniń bastapqy qarsylasy - slovakııalyq Martın Klıjan. Aleksandr Nedovesov, Dmıtrıı Popko, Andreı Golýbev irikteý saıystarynyń birinshi aınalymynan asa alǵan joq.

Aıta keteıik, 5-21 tamyz aralyǵynda Brazılııanyń Rıo-de Janeıro qalasynda ótetin olımpıadalyq oıyndarda  tennısten Qazaqstan namysyn ıÝlııa Pýtıntseva, ıAroslava Shvedova, Galına Voskoboeva qorǵaıdy. ıA.Shvedova men G.Voskoboeva juptyq synda da básekege túsedi.