Tennıs: Tımofeı Skatov Túrkııadaǵy týrnırdiń shırek fınalyna shyqty
NUR-SULTAN. QazAqparat – Qazaqstandyq jas tennısshi Tımofeı Skatov Túrkııadaǵy Antalııa ITF týrnıriniń shırek fınalyna shyqty, dep habarlaıdy QazAqparat tilshisi.
Álemniń 442-raketkasy, osy jarystyń 6-raketkasy bolyp tirkelgen 20 jastaǵy T.Skatov alǵashqy kezdesýin dúnıejúzilik reıtıngte 867-orynda turǵan reseılik Vladımır Korolevpen ótkizdi.
Qazaqstandyq tennısshi 6:2, 6:1 esebimen jeńiske jetti.
T.Skatov ekinshi aınalymda shvetsııalyq, 17 jasar Leo Borgpen sheberlik baıqasty. Munda da ol qarsylasyn 6:2, 6:1 esebimen utty.
T.Skatov jartylaı fınalǵa shyǵý úshin álemniń 381-inshi, osy dodanyń 3-raketkasy, aýstrııalyq Aleksandr Erlermen talasady.
Taǵy bir qazaqstandyq Denıs Evseev Bosnııa jáne Gertsogovınada ótip jatqan osyndaı ITF týrnırinde óner kórsetýde. Ol bastapqy qarsylasy, ıtalııalyq Marko Bortolottıdi 7:6, 6:3 esebimen tize búktirdi.
D.Evseev shırek fınalǵa shyǵý úshin majarstandyq Peter Faıtamen kúsh synasady.
Eske sala keteıik, budan buryn ıAroslava Shvedovanyń Rımde álemniń birinshi raketkasyna jol bergenin jazǵan bolatynbyz.
