Tennıs: Tımofeı Skatov Italııadaǵy jarystyń shırek fınalyna shyqty
NUR-SULTAN. QazAqparat – Qazaqstandyq Tımofeı Skatov Italııadaǵy Rozeto-delı-Abrýtsı 2 chellendjer týrnıriniń shırek fınalyna shyqty, dep habarlaıdy QazAqparat tilshisi.
Dúnıejúzilik reıtıngte 221-orynda turǵan 21 jastaǵy T.Skatov ekinshi aınalymda álemniń 202-raketkasy, portýgalııalyq Gashtaý Elıashpen sheberlik baıqasty.
Qazaqstandyq tennısshi 6:2, 0:6, 7:5 esebimen jeńiske jetti.
Eki saǵat jarym ýaqytqa sozylǵan matchta T.Skatov 1 eıs jasap, 11 breık-poınttyń beseýin paıdalandy. Qarsylasy da 1 eıs, 5 breıkpen (13 breık-poınt) kózge tústi.
T.Skatov jartylaı fınalǵa shyǵý úshin álemniń 219-raketkasy, horvatııalyq Nıno Serdarýshıchpen talasady.
Qazaqstandyq sportshy ótken aptada da dál osyndaı jarystyń shırek fınalyna deıin jetken bolatyn.
Eske sala keteıik, budan buryn Batys Qazaqstanda Elena Rybakınanyń Indıan-Ýells týrnıriniń shırek fınalyna shyqqanyn, Germanııamen matchqa qatysatyn Qazaqstan quramasy anyqtalǵanyn jazǵan bolatynbyz.
