Tennıs: Tımofeı Skatov Italııadaǵy týrnırdiń jartylaı fınalyna shyqty
NUR-SULTAN. QazAqparat – Qazaqstandyq, álemniń 221-raketkasy TımofeıSkatov Italııadaǵy Rozeto-delı-Abrýtsı 2 chellendjer týrnıriniń jartylaı fınalyna shyqty, dep habarlaıdy QazAqparat tilshisi.
Shırek fınalda 21 jastaǵy qazaqstandyq tennısshi reıtıngte ózinen eki saty joǵary turǵan horvatııalyq Nıno Serdarýshıchpen kezdesti.
T.Skatov birinshi partııada 6:4 esebimen basymdylyq tanytsa, ekinshi set taǵdyry taı-breıkte sheshildi. Onda qazaqstandyq sportshy jeńisti julyp aldy – 7:6 (7:5).
Eki saǵattan astam ýaqytqa sozylǵan tartysty básekede Tımofeı eıs jasamaǵanymen, 16 breık-poınttyń úsheýin paıdalana aldy. Qarsylasy 6 eıs, 2 breıkpen (3 breık-poınt) kózge tústi.
Qazaqstandyq tennısshi fınalǵa shyǵý úshin dúnıejúzilik reıtıngte 159-orynda turǵan taıbeılik Tszen Tszenmen talasady. Ol jartylaı fınalda álemniń 105-raketkasy, ıspanııalyq Karlos Tabernerdi 6:4, 6:4 esebimen utty.
Eske sala keteıik, budan buryn Elena Rybakınanyń Indıan-Ýells masters týrnıriniń jartylaı fınalyna shyǵa almaǵanyn jazǵan bolatynbyz.
