Tennıs: Tımofeı Skatov Italııadaǵy týrnırdiń shırek fınalyna shyqty
NUR-SULTAN. QazAqparat – Qazaqstandyq Tımofeı Skatov Italııadaǵy Rozeto-delı-Abrýtsı chellendjer týrnıriniń shırek fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, qazaqstandyq sportshy bastapqy eki kezdesýin sátti ótkizdi.
T.Skatov aldymen germanııalyq Elmar Eıýpovıchpen kortqa shyǵyp, 3 saǵat 20 mınýtqa sozylǵan tartysty matchta qarsylasyn 2:6, 7:6 (7:1), 6:2 esebimen tize búktirdi.
Qazaqstandyq tennısshi ekinshi aınalymda portýgalııalyq Joao Domıngeshten 7:6 (7:5), 6:2 esebimen basym tústi. Eki saǵattaı ýaqytqa sozylǵan báseke barysynda ol 14 breık-poınttyń altaýyn paıdalana bildi.
Dúnıejúzilik reıtıngte 221-orynda turǵan 21 jastaǵy T.Skatov jarystyń jartylaı fınalyna shyǵý úshin erteń álemniń 177-raketkasy, ıtalııalyq Flavıo Kobollımen talasady.
Eske sala keteıik, budan buryn Mıhaıl Kýkýshkınniń Indıan-Ýellste negizi týrnırge joldama alǵanyn, Qazaqstan – Germanııa matchy elordada ótetinin jazǵan bolatynbyz.
