Tennıs: Tımofeı Skatov ATP reıtıngisinde rekordtyq kórsetkishke qol jetkizdi
NUR-SULTAN. QazAqparat - Qazaqstandyq Tımofeı Skatov kásipqoı tennısshiler qaýymdastyǵynyń (ATP) jańartylǵan reıtıngisinde óziniń rekordtyq kórsetkishine qol jetkizdi, dep habarlaıdy QazAqparat tilshisi.
Qazaqstan tennıs federatsııasy málim etkenindeı, Qazaqstannnyń birinshi raketkasy Aleksandr Býblık 34-ten 36-ǵa tómendedi.
Esesine 20 jastaǵy Tımofeı Skatov birden 11 satyǵa joǵarylap, 269-orynǵa ornyqty.
Sondaı-aq Dmıtrıı Popko 188-den 187-ge, Denıs Evseev 403-ten 398-ge, Aleksandr Nedovesov 514-ten 513-ke kóterildi.
Mıhaıl Kýkýshkın 146-dan 150-ge syrǵydy.
Eske sala keteıik, budan buryn Astana Open WTA týrnırinde qazaqstandyq tennısshilerdiń qarsylastary belgili bolǵanyn jazǵan edik.
Áıelder arasynda elorda dodasy búgin bastaldy.
