Tennıs: Tımofeı Skatov Almaty týrnıriniń jartylaı fınalyna shyqty
NUR-SULTAN. QazAqparat – Qazaqstandyq Tımofeı Skatov Almaty chellendjer týrnıriniń jartylaı fınalyna shyqty, dep habarlaıdy QazAqparat tilshisi.
Dúnıejúzilik reıtıngte 399-orynda turǵan 20 jastaǵy qazaqstandyq tennısshi shırek fınalda álemniń 327-raketkasy, frantsııalyq Evan Fernespen kúsh synasty.
Birinshi partııada frantsııalyq tennısshi basym boldy – 6:4.
Ekinshi sette taı-breıkte qazaqstandyq sportshy jeńisti julyp aldy – 7:6 (10:8).
Úshinshi, sheshýshi partııada T.Skatov sheberligin tanyta bildi– 6:4.
Asa tartysty ótken báseke 3 saǵat 5 mınýtqa sozyldy.
T.Skatov fınalǵa shyǵý úshin álemniń 279-raketkasy, taıbeılik Tszen Tszenmen talasady. Ol shırek fınalda eki saǵattan astam ýaqytqa sozylǵan matchta bolgarııalyq Dımıtar Kýzmanovty joldan taıdyrdy – 7:6 (7:1), 6:3.
Eske sala keteıik, budan buryn qazaqstandyq juptyń tuńǵysh ret Rolan Garros jarysynyń fınalyna, A.Nedovesov juptyq synda Bratıslava týrnıriniń jartylaı fınalyna shyqqanyn jazǵan bolatynbyz.
Zarına Dııas Nottıngem týrnıriniń shırek fınalyna shyǵa almady.
