Tennıs: Tımofeı Skatov Almaty týrnıriniń shırek fınalyna shyqty
NUR-SULTAN. QazAqparat - Qazaqstandyq Tımofeı Skatov Almaty chellendjer týrnıriniń shırek fınalyna shyqty, dep habarlaıdy QazAqparat tilshisi.
Dúnıejúzilik reıtıngte 399-orynda turǵan T.Skatov ekinshi aınalymda álemniń 385-raketkasy, otandasy Denıs Evseevpen kezdesti.
Birinshi partııada D.Evseev aıqyn basymdylyq kórsetti - 6:1.
Ekinshisinde T.Skatov dál sondaı eseppen jaýap qaıyrdy - 6:1.
Úshinshi, sheshýshi set áldeqaıda tartysty boldy. Aqyry Skatov 6:4 esebimen jeńiske jetti.
T.Skatov Almaty dodasynyń jartylaı fınalyna shyǵý úshin reıtıngte 327-satydaǵy frantsııalyq Even Fernespen talasady.
Taǵy bir qazaqstandyq Dmıtrıı Popko shırek fınalǵa shyǵý úshin rýmynııalyq Fılıp Jııanýmen sheberlik baıqasady.
Eske sala keteıik, budan buryn Elena Rybakınanyń Rolan Garros týrnıriniń jartylaı fınalyna shyǵa almaǵanyn jazǵan bolatynbyz.
Al Zarına Dııas Nottıngem týrnıriniń úshinshi aınalymyna shyqty.
