Tennıs: Tımofeı Skatov Almaty týrnırin jeńispen bastady
NUR-SULTAN. QazAqparat – Qazaqstandyq tennısshi Tımofeı Skatov Almaty chellendjer týrnırin jeńispen bastady, dep habarlaıdy QazAqparat tilshisi.
Dúnıejúzilik reıtıngte 399-orynda turǵan T.Skatov alǵashqy aınalymda osy jarystyń 2019 jylǵy jeńimpazy, álemniń 178-inshi, týrnırdiń 5-raketkasy, ıtalııalyq Lorentso Djýstınomen kezdesti.
Birinshi partııada 20 jastaǵy qazaqstandyq tennısshi qarsylasynan 6:4 esebimen basym tústi.
Ekinshisinde ıtalııalyq sportshy ese qaıyrdy – 6:3.
Úshinshi, sheshýshi sette T.Skatov 4:0 esebimen alǵa ketti.
Aqyry osy basymdylyǵynan aıyrylǵan joq – 6:2.
Tartysty báseke 2 saǵat 54 mınýtqa sozyldy.
T.Skatov shırek fınalǵa shyǵý úshin álemniń 292-raketkasy, taǵy bir ıtalııalyq Rıkkardo Bonadıo nemese reıtıngte 385-satydaǵy otandasy Denıs Evseevtiń bireýimen sheberlik
baıqasady.
Almaty dodasy 13 maýsymda márege jetedi.
Eske sala keteıik, budan buryn Almatyda ótetin týrnırde qazaqstandyqtardyń qarsylastary anyqtalǵanyn, Elena Rybakınanyń «Úlken dýlyǵa» týrnıriniń 23 dúrkin chempıony Serena Ýılıamsti utqanyn jazǵan bolatynbyz.
