Tennıs: Skatov pen Qulambaeva Mysyrdaǵy týrnırdiń jartylaı fınalyna shyqty
NUR-SULTAN. QazAqparat – Qazaqstandyqtar Tımofeı Skatov pen Jibek Qulambaeva Mysyrdaǵy ITF týrnıriniń jartylaı fınalyna shyqty, dep habarlaıdy QazAqparat tilshisi.
Sharm ál-Sheıh qalasynda ótip jatqan jarysta álemniń 446-ynshy, osy dodanyń 6-raketkasy T.Skatov shırek fınalda reıtıngte 711-oryndaǵy japonııalyq Shıntaro Mochızýkımen kezdesti.
Qazaqstandyq tennısshi 6:3, 6:1 esebimen onsha qınalmaı jeńiske jetti.
Munyń aldynda 19 jastaǵy T.Skatov ýkraınalyq ıÝrıı Djavakıandy 7:5, 7:6 (7:4), reseılik Evgenıı Fılıppovty 6:4, 6:3 esebimen joldan taıdyrǵan bolatyn.
Endi T.Skatov fınalǵa shyǵý úshin reıtıngte 775-satydaǵy amerıkalyq Felıks Korvınmen talasady.
Áıelder arasyndaǵy osy jarysta álemniń 658-raketkasy, 20 jastaǵy Jibek Qulambaeva sátti óner kórsetýde.
Jibek aldymen reıtınge ózinen tórt saty joǵary turǵan ulybrıtanııalyq Freıa Krıstıdi 6:3, 6:1 esebimen tize búktirdi. Sodan keıin álemniń 476-raketkasy, ýkraınalyq Marıanna Zakarlıýkty tartysty kezdesýde 6:3, 4:6, 7:6 (7:5) esebimen tize búktirdi. Al búgin reıtıngte 1007-satydaǵy amerıkalyq Emma Devısti 7:6 (8:6), 6:2 esebimen utty.
J.Qulambaeva reıtıngte 626-oryndaǵy taıvandyq Djoanna Garlendti utsa, fınalǵa shyǵady.
T.Skatov ta, J.Qulambaeva da – jas oıynshylar. Aldaǵy ýaqytta ITF ǵana emes, chellendjer, odan da iri dodalarda tabysqa jetse, reıtıngileri joǵarylaıdy.
Eske sala keteıik, budan buryn J.Qulambaeva taǵy bir qazaqstandyq G.Aınıtdınovamen birge juptyq synda Mysyr elindetop jarǵan bolatyn.
Al A.Býblık Sankt-Peterbýrg týrnıriniń shırek fınalyna shyǵa almady.
