Tennıs: Shvedova Rolan Garros týrnıriniń birinshi aınalymynan asa almady
ASTANA. QazAqparat - Parıjde ótip jatqan Frantsııa ashyq chempıonaty - Rolan Garros týrnıriniń birinshi aınalymynda Qazaqstannyń ekinshi, álemniń 45-inshi raketkasy ıAroslava Shvedova Ýkraına eliniń ókili, dúnıejúzilik reıtıngte altynshy orynda turǵan Elına Svıtolınamen kúsh synasty, dep habarlaıdy «QazAqparat» tilshisi.
www.championat.com alynǵan málimetke qaraǵanda, bul kezdesýde Rolan Garros týrnırinde besinshi raketka bolyp tirkelgen E.Svıtolına 6:4, 6:3 esebimen basym tústi. Buǵan deıin qarsylastar 2016 jylǵy Ýımbldon týrnırinde bir ret kezdesip, onda Shvedova jeńgen bolatyn. Osylaısha qarymta qaıtarǵan ýkraınalyq tennısshi endi Bolgarııa eliniń ókili Tsvetana Pıronkovamen sheberlik baıqasady.
Eske sala keteıik, áıelder arasyndaǵy jekeleı synda ekinshi aınalymǵa shyqqan Qazaqstannyń birinshi, álemniń 29-ynshy raketkasy ıÝlııa Pýtıntseva shvetsııalyq ıÝhanna Larssonmen kortqa shyǵady. Al erler arasyndaǵy jekeleı synda Qazaqstannyń birinshi, álemniń 85-shi raketkasy Mıhaıl Kýkýshkın ekinshi aınalymda ıspanııalyq, dúnıejúzilik reıtıngte 18-shi satyda turǵan Roberto Baýtısta-Agýtpen kezdesedi.
