Tennıs: Shvedova men Kıng juby US Open týrnıriniń aqtyq synynda jeńilis tapty
ASTANA. 12 qyrkúıek. QazAqparat - Qazaqstandyq tennısshi ıAroslava Shvedova men amerıkandyq Vanıa Kıng juby AQSh-ta ótip jatqan «Úlken dýlyǵa» serııasyndaǵy týrnırdiń aqtyq synynda amerıkalyq tennısshiler Lızel Hýber men Lıza Raımondqa jol berdi, dep habarlady QR Tennıs federatsııasynyń baspasóz qyzmetinen.
Úsh jarym saǵatqa jalǵasqan tartysty kezdesýde otandasymyzdyń dýeti qarsylastaryna 4:6, 7:6, 7:6 esebimen utyldy. Jekeleı synda birde-bir dodany utyp kórmegen, biraq juptyq synda WTA týrnırleriniń bas júldelerin 45 ret qanjyǵaǵa baılaǵan Hýber, US Open týrnırin osymen ekinshi ret baǵyndyryp otyr.
Esterińizge sala keteıik, Shvedova men Kıng juma kúni ótken shırek fınaldyq kezdesýde reseılik Marııa Kırılenko men Nadıa Petrova jubyn úsh sette - 7:6, 2:6, 6:3 esebimen utyp, ekinshi ret týrnırdiń aqtyq synyna joldama alǵan bolatyn. Byltyr olar juptasyp óner kórsetýde chempıondyq ataqqa qol jetkizgen edi.
